Mediasavodxonlik Karvoni nafaqat O’zbekistondagi manzillar balki Markaziy Osiyoga ham chiqdi.
Yangi media ta’lim markazi Qozog‘iston Senati taklifi bilan Ahmad Yassaviy universitetida bo‘lib, O‘zbekiston va Qozog‘iston axborot makonini birlashtirgan yirik muloqot maydonida ishtirok etdi. 28-noyabr kuni Turkiston shahrida o‘tgan ushbu tadbir iliq muhit, yuqori tashkiliy saviya va do‘stona ruh bilan boshlandi.
Unda SIning axborot makoniga ta’siri, etik masalalar va tinchlikni mustahkamlashda media o‘rni borasida ilmiy tahlillarini taqdim etdik. Ochiq muloqotlar, savol-javoblar va chuqur yondashuvlar sessiyani yanada mazmunli qildi.
Tadbirning ikkinchi qismida jamiyatdagi tinchlik tili, konfessiyalararo muloqot va ijtimoiy uyg‘unlik masalalari muhokama qilindi. Oqsoqollar kengashi a’zolari, diniy va ijtimoiy soha mutaxassislari tomonidan ilgari surilgan takliflar konstruktiv ruhda ko‘rib chiqildi. Yakuniy sessiyada bildirgan tavsiyalar tadbirning samaradorligini yanada oshirdi va barcha ishtirokchilarda iliq taassurot qoldirdi.
Azizlar, shunday qilib, duolaringiz va dastaklaringiz bilan Karvonimiz xalqaro miqyosga chiqdi! U Markaziy Osiyoni bog‘laydigan bilim yo‘li va umumiy axborot xavfsizligiga qo‘shilgan hissa boʻlishidan bagʻoyat umidvormiz! Oldinda uni hali yana koʻp manzillarda kutishayotganini his qilyapmiz! Aytingchi, Siz ham bizdek hayajonlanyapsizmi?